|
Fjorden, den gamle hovudferdselsvegen, er framleis open.
Vi vil invitere deg utpå. Kaia i Solvorn er basen vår, herifrå køyrer vi open båt i dei indre fjordarmane av Sognefjorden frå 25. juni og heile sommaren. Velkomen om bord! |
TUR 1
Fjordcruise Luster- og Årdalsfjorden, Indre Ofredal
|
NÅR
Måndag, tysdag, onsdag, torsdag og fredag: Oppmøte klokka 13:00 ved raudt hus på fergekaia i Solvorn. KOR SKAL VI Frå Solvorn fortel vi oss inn og ut Lustrafjorden, via Stuaflåten, Ytre Eikjo, Feigumfossen, Munthehuset, Ornes, Kinsedalen og Kvalen, før vi følgjer Årdalsfjorden inn til Indre Ofredal. Her går vi i land og møter vertskapet. Det blir kaffi og heimelaga vaffel og omvising på denne historiske plassen som no byggjast oppatt. Margot er vertskap, ei triveleg dame som kan mykje. Så suser vi tilbake til Solvorn. TID 3 timar PRIS 998,- Betaling med kort på kaia TA KONTAKT steinar@lusternatureguides.no eller telefon 40 00 00 20 |
TUR 2
Lustrafjorden Fjordcruise
|
NÅR
Måndag, tysdag, onsdag, torsdag og fredag klokka 09:00. Oppmøte ved raudt hus på fergekaia i Solvorn. KOR SKAL VI Frå Solvorn fortel vi oss inn fjorden, mot Stuaflåten, Ytre Eikjo, Vedvik, Feigumfossen og Munthehuset, før vi snur mot Ornes, Kinsedalen, Kvalen og heim att. TID 1,5 timar PRIS 700,- Betaling med kort på kaia TA KONTAKT steinar@lusternatureguides.no eller telefon 40 00 00 20 |
TUR 3
Din eigen tur
|
Kor vil du? Til Årdal, Vettisfossen, Fjærlandsfjorden, Nærøyfjorden, Aurland, Lærdal, Balestrand, Flåm – eller ein annan plass i Indre Sogn? We Fix. Pris avheng av destinasjon og storleik på gruppe. TA KONTAKT steinar@lusternatureguides.no eller telefon 40 00 00 20 
|
TUR 4
Fjordcruise og fjelltur til Vettisfossen.
Denne naturlege fossen har det høgste frie fallet i Nord-Europa, 275 meter. Synet av dette kan eigentleg ikkje forklarast med verken ord eller bilete. Bli med på heilsdagtur med fjordcruise og fjelltur i fabelaktig natur. Vi køyrer båt til Årdalstangen, tar taxi til Hjelle og går fram til botn av Vettisfossen. Varm suppe og heimelaga brød på Vetti Gard på veg tilbake. Snaut to timar i båt og kanhende 4 timar på beina. Tid Rundt 6-7 timar Pris 1998,- Betaling med kort på kaia Inkluderer: Fjordcruise, taxi i Årdalstangen, ei formidabel naturoppleving, varm suppe og heimelaga brød på Vetti Gard – og fjordcruise heimatt. TA KONTAKT steinar@lusternatureguides.no eller telefon 40 00 00 20 |
|
|
LUSTER I INDRE SOGN
er fjell og fjord og bre og bra. Det er svimlande tindar, mykje skog og djup, grøn fjord. Denne kommunen er ein av Sør-Norges største og strekk seg inn i både Jotunheimen, Breheimen og mot Jostedalsbreen. Lustrafjorden er den inste fjordarmen i Sognefjorden, som er ei av verdas lengste fjorder, og den lengste i Europa. Luster er eit norrønt ord som tyder ’den varme milde fjorden’ Og alt ser verkeleg annleis ut frå fjorden. Livet, landskapet. Og veit du det? At båtar som kan gå fort også kan gå sakte? At det å ligge og skvulpe midtfjords ein sommardag er godt for sjølve sjela? Den gamle hovudferdselsvegen er framleis open, og vi vil invitere deg utpå. |
Kajakk- og fjellturar
|
Vi har fullt utrusta kajakkar med tørrdraktar og redningsvestar for guida turer,
så det blir fjell- og kajakkturar etter kvart. TA KONTAKT steinar@lusternatureguides.no eller telefon 40 00 00 20 |
|
|
LUSTER NATURE GUIDES
|
vart starta av Steinar Rorgemoen. Han har vore guide og dagleg leiar i Basecamp Spitsbergen og Spitsbergen Guide Service på Svalbard i mange år – og har jobba med turisme i nord sidan 2010. Han er utdanna Arctic Nature Guide ved UiT på Svalbard.
Steinar er no guide og eplebonde med 458 epletre og base på den veglause garden Ytre Eikjo i Lustrafjorden. Her har det budd folk sidan jernalderen, og dei har dyrka frukt her sidan vikingtida. Det er sagt at denne solfylte stranda har den beste fruktdyrkarjorda, kanskje ikkje berre i Sogn, men på heile Vestlandet. I 1916 vart eigedomen delt opp i fleire eplehagar bortetter stranda. Det har ikkje budd folk på Ytre Eikjo på lang tid. No bur Steinar og kjærasten her i sommarsesongen – og bygningane vert rusta opp slik at busetnad heile året skal bli mogleg. |
